Ix-xjenza tipproteġi lill-konsumaturi mill-għalqa sal-platt

Il-katina alimentari tal-Ewropa qiegħda dejjem tevolvi u l-kompetenza tal-EFSA evolviet biex tkopri numru li kull ma jmur dejjem isir kumpless ta’ oqsma relatati mas-sikurezza tal-katina alimentari, il-mard li jinġarr mill-ikel, il-kontaminanti, is-saħħa u l-benesseri tal-annimali, il-protezzjoni tal-pjanti, il-produzzjoni u d-distribuzzjoni tal-ikel kif ukoll l-innovazzjoni fis-settur tal-ikel biex insemmu xi wħud. Dan il-fuljett juri b’mod sempliċi iżda istruttiv kif il-parir li l-EFSA tipprovdi lill-maniġers tar-riskju jirfed ħafna mil-liġijiet u r-regolamenti fis-seħħ biex jipproteġu lill-konsumaturi Ewropej minn riskji relatati mal-ikel — mill-għalqa sal-platt.