Trasparenza

Il-ftuħ u t-trasparenza ilhom valuri ewlenin tal-EFSA minn mindu twaqqfet fl-2002. Bħala korp pubbliku, l-EFSA għandha obbligu ta’ rendikont lejn in-nies li twaqqfet biex isservi – iċ-ċittadini tal-Unjoni Ewropea, li mingħajr il-fiduċja u l-kunfidenza tagħhom l-Awtorità ma tistax tiffunzjona b’mod effettiv.

Regolament ġdid dwar it-trasparenza u s-sostenibbiltà tal-valutazzjoni tar-riskju tal-UE fil-katina alimentari, li ilu fis-seħħ mis-27 ta’ Marzu 2021, isaħħaħ il-kapaċità tal-Awtorità li twettaq il-funzjonijiet tagħha ta’ valutazzjoni tar-riskju  Qasam speċjalizzat tax-xjenza applikata li jinvolvi r-rieżami tad-data u tal-istudji xjentifiċi sabiex jiġu evalwati r-riskji assoċjati ma’ ċerti perikli. Dan jinvolvi erba’ stadji: l-identifikazzjoni tal-perikli, il-karatterizzazzjoni tal-perikli, il-valutazzjoni tal-esponiment u l-karatterizzazzjoni tar-riskji f’konformità mal-ogħla standards ta’ trasparenza.

Matul il-fażi ewlenija tal-implimentazzjoni tar-regolament li wasslet għad-dħul fis-seħħ tiegħu, l-EFSA kkomunikat mill-qrib mal-partijiet ikkonċernati permezz ta’ Bord ta’ Diskussjoni ddedikat u diversi gruppi tekniċi. Tista’ ssib aktar informazzjoni hawnhekk.

L-EFSA tikkomunika b’mod proattiv dwar il-bidla, l-aġġornamenti u l-aħbarijiet rilevanti relatati mar-Regolament dwar it-Trasparenza. Il-laqgħat u l-opportunitajiet ta’ taħriġ li ġejjin jiġu ppubblikati fil-kalendarju tal-EFSA.

L-EFSA taħdem kontinwament biex ittejjeb l-għodod diġitali disponibbli għall-applikanti u għal partijiet ikkonċernati oħra. Informazzjoni dwar it-titjib diġitali li se jsir hija disponibbli hawnhekk.

L-EFSA hija impenjata wkoll li tiżgura li l-operaturi tan-negozji u l-applikanti jkollhom l-informazzjoni u l-appoġġ kollha li jeħtieġu għal tranżizzjoni mingħajr xkiel lejn l-ambjent il-ġdid. Pariri u materjali ta’ appoġġ huma disponibbli fit-taqsima tas-Sett ta’ għodod tal-Applikanti tas-sit web tal-EFSA, U grupp fuq LinkedIn iddedikat għall-appoġġ tal-applikanti.

Ir-regolament ġie introdott bil-għan li tiżdied it-trasparenza tal-valutazzjoni tar-riskju fil-katina alimentari, li jissaħħu l-affidabbiltà, l-oġġettività u l-indipendenza tal-istudji ppreżentati lill-EFSA, u li tissaħħaħ il-governanza tal-EFSA sabiex tiġi żgurata s-sostenibbiltà fit-tul tagħha. B’mod partikolari jistipula li:

• Iċ-ċittadini se jkollhom aċċess għal studji u informazzjoni ppreżentati mill-industrija fil-proċess tal-valutazzjoni tar-riskju. Il-partijiet ikkonċernati u l-pubbliku ġenerali se jiġu kkonsultati wkoll dwar l-istudji ppreżentati.
• L-EFSA se tiġi mgħarrfa bl-istudji kollha kkummissjonati biex jiġi ggarantit li l-kumpaniji li japplikaw għall-awtorizzazzjonijiet jissottomettu l-informazzjoni rilevanti kollha. L-Awtorità se toffri wkoll pariri lill-applikanti qabel is-sottomissjoni tal-fajls.
• Il-Kummissjoni Ewropea tista’ titlob lill-EFSA biex tikkummissjona studji addizzjonali u tista’ twettaq missjonijiet ta’ ġbir ta’ informazzjoni biex tivverifika li l-laboratorji/istudji jikkonformaw mal-istandards ta’ kwalità.

F’konformità mar-rekwiżiti ta’ trasparenza, l-EFSA żviluppat Open EFSA, portal iddedikat li jipprovdi informazzjoni komprensiva dwar il-proċess ta’ valutazzjoni tar-riskju tagħna. Dan jinkludi kollox mill-wasla ta’ mandat jew dossier sal-adozzjoni ta’ eżitu. Fil-każ li l-EFSA tirrifjuta talba għal parir xjentifiku minħabba li tonqos milli tissodisfa r-rekwiżiti meħtieġa jew taqa’ barra mill-kompetenza tagħha, l-Awtorità se tiddeskrivi r-raġunijiet għal tali nuqqas ta’ aċċettazzjoni. 

Aċċess pubbliku għad-dokumenti

L-Artikolu 15 tat-Trattat dwar il-Funzjonament tal-Unjoni Ewropea (“TFUE”) jistabbilixxi l-prinċipju tat-trasparenza li jinkludi d-dritt ta’ kull ċittadin tal-Unjoni, u ta’ kull persuna fiżika jew ġuridika li tirrisjedi jew li jkollha l-uffiċċju reġistrat tagħha fi Stat Membru, dritt ta’ aċċess għad-dokumenti tal-istituzzjonijiet, il-korpi, l-uffiċċji u l-aġenziji tal-UE skont il-prinċipji u l-kundizzjonijiet kif definiti fir-Regolament (KE) Nru 1049/2001. Dan id-dritt ta’ aċċess huwa minqux ukoll fl-Artikolu 42 tal-Karta tad-Drittijiet Fundamentali tal-Unjoni Ewropea.

Sabiex jingħata l-aktar effett possibbli lid-dritt ta’ aċċess pubbliku għad-dokumenti, ir-Regolament (KE) Nru 1049/2001 ġie adottat biex jimplimenta l-prinċipju tat-trasparenza billi jistabbilixxi proċedura għall-indirizzar tal-applikazzjonijiet għal aċċess għad-dokumenti. Dan ir-Regolament jelenka wkoll l-eċċezzjonijiet għall-iżvelar għall-protezzjoni ta’ ċerti interessi pubbliċi u privati. Ir-Regolament (KE) Nru 1049/2001 japplika għall-EFSA skont l-Artikolu 41 tar-Regolament (KE) Nru 178/2002. Barra minn hekk, l-EFSA adottat arranġamenti prattiċi li jimplimentaw ir-Regolament (KE) Nru 1049/2001 u l-Artikoli 6 u 7 tar-Regolament (KE) Nru 1367/2006 u proċedura operattiva interna għall-ġestjoni tal-applikazzjonijiet għal aċċess għad-dokumenti. Barra minn hekk, l-EFSA adottat Gwida għall-applikanti biex jinfurmaw lill-pubbliku dwar id-drittijiet tagħhom skont ir-Regolament (KE) Nru 1049/2001.

Id-dritt ta’ aċċess pubbliku għad-dokumenti miżmuma mill-istituzzjonijiet, il-korpi, l-uffiċċji u l-aġenziji tal-UE jinkorpora l-prinċipji ta’ ftuħ u trasparenza li jikkostitwixxu valuri ewlenin fl-ordni ġuridiku Ewropew, u b’hekk jikkontribwixxi għal funzjonament aktar trasparenti tal-Unjoni Ewropea f’sistema demokratika.

Tista’ taċċessa l-Arranġamenti Prattiċi tal-EFSA għall-implimentazzjoni tar-Regolament (KE) Nru 1049/2001 u l-Artikoli 6 u 7 tar-Regolament (KE) Nru 1367/2006hawnhekk.

Gwida għall-applikanti għall-aċċess għad-dokumentihija disponibbli wkoll.

Il-proċess huwa ddettaljat ukoll f’SOP 36 hawnhekk.

Għas-sottomissjoni ta’ applikazzjonijiet għall-aċċess għad-dokumenti, jekk jogħġbok uża l-formola online disponibbli fil-Connect.EFSA. Meta tagħżel fit-taqsima “area” (qasam) “public access to documents” (aċċess pubbliku għad-dokumenti), it-talba tiegħek se tiġi ttrattata skont ir-Regolament (KE) Nru 1049/2001.

Sabiex tispjega l-proċess, l-EFSA organizzat webinar.