Kontaminanti fil-Katina tal-Ikel
Il-Bord dwar Kontaminanti fil-Katina tal-Ikel (CONTAM) jipprovdi pariri xjentifiċi dwar kontaminanti fil-katina tal-ikel u sustanzi mhux mixtieqa bħal tossikanti naturali, mikotossini u residwi ta’ sustanzi mhux awtorizzati.
Il-Membri tal-Bord tal-CONTAM huma xjenzati minn madwar l-Ewropa b’għarfien espert f’dawn li ġejjin:
- Kimika – kimika organika, inorganika u analitika, ipproċessar alimentari u tal-għalf fil-qasam ta’ kontaminanti kimiċi
- Valutazzjoni ta’ esponiment – huwa meħtieġ għarfien espert speċjalment fir-rigward tal-valutazzjoni ta’ esponiment alimentari tal-kontaminanti kimiċi inkluż l-għarfien dwar l-istħarriġiet dwar il-konsum tal-ikel
- Tossikoloġija tal-bniedem u veterinarja (fil-valutazzjoni tar-riskju tas-sustanzi kimiċi) – assorbiment, distribuzzjoni, metaboliżmu, eskrezzjoni (ADME) ta’ sustanzi (tossikokinetiċi u tossikodinamiċi), tossiċità subkronika u kronika (studji b’doża ripetuta), ġenotossiċità u mutaġeniċità, tossiċità għall-iżvilupp u riproduttiva, karċinoġeniċità, allerġeniċità u immunotossiċità.
- Testijiet tossikoloġiċi f’annimali sperimentali – interpretazzjoni tal-effetti tossiċi tal-kontaminanti kimiċi fl-annimali tal-irziezet u fl-annimali domestiċi
- Epidemjoloġija – bijomarkaturi tal-effetti u l-esponiment u l-interpretazzjoni tad-data tal-bniedem)
- Statistika – valutazzjoni tal-effetti tar-rispons għad-doża, eż. l-immudellar tad-doża ta’ riferiment u l-analiżi ta’ settijiet ta’ data kumplessi (epidemjoloġiċi)
- Nutrizzjoni tal-annimali – valutazzjoni ta’ esponiment tal-annimali.
Membri tal-Bord
Membri tal-Bord tal-CONTAM, 2018-2024
Il-kompożizzjoni tal-bord u d-Dikjarazzjonijiet ta’ Interessi.