Breiseáin agus Táirgí nó Substaintí a úsáidtear i mBia Ainmhithe
Soláthraíonn an Painéal um Breiseáin agus Táirgí nó Substaintí a úsáidtear i mbia ainmhithe (FEEDAP) comhairle eolaíoch maidir le sábháilteacht agus/nó éifeachtúlacht breiseán agus táirgí nó substaintí a úsáidtear i mbia ainmhithe. Déanann an Painéal meastóireacht ar a sábháilteacht agus/nó ar a n-éifeachtúlacht don spriocspeiceas, don úsáideoir, don tomhaltóir táirgí de bhunadh ainmhíoch agus don chomhshaol. Breathnaíonn sé freisin ar éifeachtúlacht táirgí/substaintí bitheolaíocha agus ceimiceacha atá beartaithe lena n-úsáid d’aon ghnó i mbia ainmhithe.
Is eolaithe ó gach cearn den Eoraip iad Comhaltaí Phainéal FEEDAP a bhfuil saineolas acu ar na nithe seo a leanas:
- Cothú ainmhithe/fiseolaíocht ainmhithe/ táirgeadh – cothú monaghastrach, athchogantach agus éanlaithe clóis, lena n-áirítear próisis díleácha, teicnící beathaithe, foirmliú beatha, riachtanais cothaitheach agus fulaingt
- Tocsaineolaíocht – tocsaineacht fho-ainsealach agus ainsealach (staidéir leantacha ar dháileog), géineatocsaineacht agus só-ghineacht, tocsaineacht forbraíochta agus atáirgthe, carcanaigineacht agus tocsaineolaíocht cheirde
- Staidéir chógaschinéitice/ cógasdinimice/ meitibileachta – ionsú, dáileadh, meitibileacht agus eisfhearadh (ADME) substaintí, measúnú nochta (uasleibhéil, uasleibhéil iarmhair)
- Micribhitheolaíocht, frithsheasmhacht in aghaidh ábhar frithmhiocróbach – (meastóireacht ar bhreiseáin atá bunaithe ar mhiocrorgánach)
- Measúnú riosca comhshaoil – an tionchar a bhíonn ag breiseáin bheathaithe a úsáid ar thimpeallachtaí talún agus uisceacha)
Comhaltaí an Phainéil
Comhaltaí Phainéal FEEDAP, 2018-2024
Cruinnithe iomlánacha
Working groups
Animal Nutrition
Characterisation
Environment
Feed Flavourings
Guidance nanoparticles in feed additives
Microbiology
Toxicology
Closed working groups
Information on working groups that have been inactive for more than 10 years can be requested by contacting us here.